Archives: Shop Green

Em wat geet et?

Wien Akkuen an aner opluedbar Systemer op eng intelligent Manéier benotzt a Batterië vermeit, déi nom Gebrauch ewechgehäit musse ginn, dee kann net nëmme Sue spueren, mee dee schount och nach d’Ëmwelt an déi natierlech Ressourcen.
Haut gi bal ausschliisslech Lithium-Batterië benotzt, déi vill Energie (Héichenergie-Batterien) absorbéiere kënnen.

Produktgruppen

Opluedbar Batterien (Li-Ionen, NiMh) an déi verbonne Ladegeräter.

Hiweiser

Mat opluedbar Batterien ass et besonnesch wichteg ze garantéieren datt se richteg benotzt ginn, sou datt d’opluedbar Batterien net beschiedegt ginn. Dat erënnert och dru Stroum aus erneierbare Quellen ze benotzen.

D’Wiel vun de richtegen opluedbare Batterien a Luedapparater hänkt vu ville Faktoren of, sou wéi d’Frequenz vun de Luedzyklen, d’Applikatiounsgebitt vun der opluedbare Batterie, asw.

Wann Dir héich-Energie-Batterien entsuergt, gitt sécher datt se sécher entsuergt ginn (Risiko vu Brand).

Krittäre

NiCd-Batterië sinn ausgeschloss.

Em wat geet et?

D’Luucht ass déi ganz Konstruktioun ronderëm d’Liichtquell. Dës besteet aus méi Komponente wéi Halterung, Fassung, Reflekter, Schierm oder Glasofdeckung. An der Luucht befënnt sech déi eigentlech Liichtquell, déi als Liichtmëttel bezeechent gëtt.

Produktgruppen

LED-Luuchten

Luuchte mat austauschbaren LED-Liichtmëttelen

Hiweiser

Niewent Energieeffizienz a Stroumspuere spillt och d’Stroumquell eng entscheedent Roll beim Thema “elektresch Energie”: Setzt dofir op Stroum aus erneierbaren Energiequellen. D’Critèrë berécksiichtegen och d’Fuerderung fir d’Liichtegkeet vun der Reparatur vu Produkter an d’Vermeidung vun Offall als wichteg Komponent vum nohaltege Konsum.

Krittäre (Beispiller)

Liichtmëttelen/Luuchte ginn op follgend Krittäre gepréift: Energieverbrauch (W), Hellegkeet/Lumenofgab (lm), Rendement vum Liicht (lm/W), Liewensdauer (h), Schaltfestegkeet (Un-/Ausschaltungen), Komponenten, Verpakung, Informatioune fir de Konsument, Energieeffizienz.

Bewäert gi bei Luuchten: Reparaturfrëndlechkeet / Laangliewegkeet vun der Luucht (einfacht Auswiessele vun defekten LED-Liichtmëttele mat gängege Sockelen), Informatiounen op der Verpakung, Verpakung wa méiglech aus Recycling-Materialien

Weider Informatioune fann där op: http://www.oekotopten.lu.

Produkter fir de gewerbleche Gebrauch:

Wäschen a Botzen hunn ëmmer en Afloss op d’Ëmwelt, an dat virun allem op d’Waasserleef. Dofir ass d’Entscheedung fir en ökologescht Wäsch-a Botzmëttel an dee richtege Gebrauch dovun (Doséierung, Temperatur vum Waasser) net nëmme wichteg fir d’Ëmwelt, mee och fir d’Gesondheet vum Konsument.

Nieft deenen allgemenge Krittäre mussen déi ugebuede Wäsch-a Botzprodukter och nach produktspezifesch Critèren erfëllen. Déi Critèrë bestëmmen ënner anerem, wéivill Tensiden an de Produkter dra sinn a wéi gutt déi an de Waasserleef ofgebaut ginn, ausserdeem och d’Konzentratioun vun aneren Inhaltsstoffer ( z.B. Léisungsmëttelen, Bleechmëttelen, Parfumen, Enzymer,…).

Em wat geet et?

Wäschen a Botzen hunn ëmmer en Afloss op d’Ëmwelt, an dat virun allem op d’Waasserleef. Dofir ass d’Entscheedung fir en ökologescht Wäsch-a Botzmëttel an dee richtege Gebrauch dovun (Doséierung, Temperatur vum Waasser) net nëmme wichteg fir d’Ëmwelt, mee och fir d’Gesondheet vum Konsument.

Produktgruppen

Wäschmëttel, Weichspüler

Botzmëttele wéi Allzweckreiniger, Fënsterreiniger, Buedemreiniger, Wäschflëssegkeet, Teppecherreiniger, Entkalkungsmëttel, asw.

Hiweiser

Nieft dem Asaz vun ëmweltschounende Produkter ass och déi korrekt Handhabung vun de Produkter souwéi déi richteg Botztechnik fir nohalteg an ökologesch Botzen onëmgänglech.

D’SDK bitt och och Weiderbildungen zu dësem Thema.

Eng Lëscht vun de Wäsch- a Spullmaschinne mat deem geréngste Stroum- an Energieverbrauch fannt Dir op der Internetsäit www.oekotopten.lu.

Krittäre

Déi Krittäre bestëmmen ënner anerem, wéivill Tensiden an de Produkter dra sinn a wéi gutt déi an de Waasserleef ofgebaut ginn, ausserdeem och d’Konzentratioun vun aneren Inhaltsstoffer ( z.B. Léisungsmëttelen, Bleechmëttelen, Parfumen, Enzymer,…).

Aner Critère bezéien sech op d’Benotzung vu recycléiertem Material oder Material vu biologescher Hierkonft fir d’Verpakung.

Em wat geet et ?

D’Benotzung vun ëmweltfrëndlecht Schoulmaterial geet net nëmmen ëm d’Ëmwelt an d’Gesondheet direkt ze schützen. En anere wichtegen Aspekt ass d’Benotzung vu sekundäre Rohmaterial aus Recyclingsquellen an d’Benotzung vun nohalteg produzéierte Rohmaterialien (nohalteg produzéiert Holz fir Pabeier an Holzprodukter).

Produktgruppen

Material fir ze schreiwen an ze drécken, wéi Hefter, Schreifbleck, Enveloppen

Material fir Archivéieren, wéi Uerdner, Farden

Material fir ze schreiwen an ze zeechnen, wéi Moolfaarwen a Bläistëfter, Bicker

Aner Produkter, wéi Pech, Lineal, asw.

Hiweiser

Wann et ëm ëmweltfrëndlecht Schoulmaterial geet, erlaabt eng interaktiv Produktauswiel Elteren a Studenten Akafslëschten op www.shop-green.lu zesummenzestellen.

Krittäre

Am Allgemenge gëtt Reklamm gemaach fir Produiten aus recycléierte Materialien (z.B. Pabeier, Hefter, Linealer, Bicken, Füllfiederen an aner Schreiwsaachen, déi erëm kënnen opgefëllt ginn,…) a Produiten, deenen hir Matière-premieren aus enger nohalteger Gestioun kommen. Critèrë kënnen och opfëlle sinn an – am Fall vun elektroneschen Apparater – d’Energieversuergung mat Photovoltaikzellen.

Produkter aus biodegradabele Plastik a Produkter mat gesondheetlech schiedlechen Inhalter a bedenkleche Quantitéite sinn ausgeschloss.

Em wat geet et?

D’Benotzung vun ëmweltfrëndlecht Bürosmaterial geet net nëmmen ëm d’Ëmwelt an d’Gesondheet direkt ze schützen. En anere wichtegen Aspekt ass d’Benotzung vu sekundäre Rohmaterial aus Recyclingsquellen an d’Benotzung vun nohalteg produzéierte Rohmaterialien (nohalteg produzéiert Holz fir Pabeier an Holzprodukter).

Produktgruppen

Material fir ze schreiwen an ze drécken, wéi Hefter, Schreifbleck, Enveloppen

Material fir Archivéieren, wéi Uerdner, Farden

Material fir ze schreiwen an ze zeechnen, wéi Moolfaarwen a Bläistëfter, Bicker

Aner Produkter, wéi Pech, Lineal, asw.

Krittäre

Am Allgemenge gëtt Reklamm gemaach fir Produiten aus recycléierte Materialien (z.B. Pabeier, Hefter, Linealer, Bicken, Füllfiederen an aner Schreiwsaachen, déi erëm kënnen opgefëllt ginn,…) a Produiten, deenen hir Matière-premieren aus enger nohalteger Gestioun kommen. Critèrë kënnen och opfëlle sinn an – am Fall vun elektroneschen Apparater – d’Energieversuergung mat Photovoltaikzellen.

Produkter aus biodegradabele Plastik a Produkter mat gesondheetlech schiedlechen Inhalter a bedenkleche Quantitéite sinn ausgeschloss.

Em wat geet et ?

Rinse-off-Produiten si Kierperfleegemëttel, déi fir d’Wäsche vun der Haut an den Hoer benotzt ginn, mä erëm mat Waasser ausgewäsch bzw. ausgespullt musse ginn, an dofir net op der Haut oder den Hoer bleiwen.

Produktgruppen

Bued- an Duschzousätz (Salz, Schaum, Ueleg, Gel, asw.)
Fest a flësseg Seefen, Shampoingen ; Après-Shampoinge fir erëm auszespullen

Raséierproduiten (Raséierschaum, Raséiercrème, Raséiergel a Raséierseef)

Hiweiser

Aus ekologescher Siicht, kënnen d’Kierperfleegemëttel e groussen Deel vu potentiell problemateschen Oofwässerbestanddeeler verursaachen an iwwer Ëmweeër an d’Drénkwaasser geroden. Bei Produiten ewéi Kierperfleegemëttel, déi all Dag benotzt ginn, ass et also wichteg, datt d’Inhaltsstoffer séier ofbaubar sinn, a sech net an der Ëmwelt usammele kënnen.

Krittäre

Eng schnell Oofbaubarkeet vun den Tensiden; d’Benotze vu Faarfstoffer, déi den Ufuerderunge vun der Liewensmëttelindustrie entspriechen; d’ausschliisslecht Benotze vu Konservéierungsstoffer, déi fir Kosmetikproduiten zougelooss sinn; ekologesch virdeelhaft (z.B. recycléierbar) Verpackungen.

Em wat geet et?

D’Benotze vun ëmweltfrëndleche Faarwen, Lacker a Lasuren ass net nëmme gutt fir d’Ëmwelt, mee ass och aus gesondheetleche Grënn ze empfeelen. Virun allem fir den Asaz am Banneberäich soll ee gutt oppassen, wat fir Faarwen een eraussicht.

Produktgruppen

Emissiounsarm Faarwe fir de Banne- a Bausseberäich

Beschichtunge fir Holz a Metall

Hiweiser

Plange virum Ustrach: Kaaft nëmmen déi Quantitéiten déi Dir tatsächlech braucht. Mat passenden Holz an der richteger Konstruktioun kënnt Dir d’Benotzung vun Holzkonservéierungsmëttel staark limitéieren. Fannt eraus weie Produkt am Beschten zu Ärem Besoin passt.

Nom Ustrach: Iwwerreschter wäerte méi laang hale wann Dëppercher fest zougemaach sinn an op d’Kopp gelagert ginn.

Krittäre

Bewäert ginn ënner anerem déi eenzel Inhaltsstoffer ( wéi z.B. Faarfpigmenter, Konservéierungsstoffer,…) an och deenen hir Auswierkungen op d’Ëmwelt an op d’Gesondheet vum Konsument. D’Krittäre bestëmmen awer och, wéi vill Formaldehyd a Léisungsmëttelen an der Faarf dra sinn, wéi geféierlech déi Faarf fir d’Waasser ass a wéi héich de Verbrauch ass. A wéi bis elo mussen dës Produkter och an Zukunft nach a Verpackunge vu verschiddene Gréissten am Handel ugebuede ginn.

Em wat geet et?

Dës ginn oft just eemol benotzt, landen no dem Gebrauch an der Toilette oder der Poubelle a ginn deemno dem Pabeierkreeslaf verluer.

Produktgruppen

Toilettëpabeier, Pabeiershanddicher, Nuesschnappecher, Kichendicher, Zerwéiten, Botzdicher, Kosmetikdicher an Ofdeckpabeier

Hiweiser

Benotzt Zerwéiten, Nappen an Nuesschnappecher aus Stoff, déi no dem Gebrauch kënne gewäsch ginn. Evitéiert bedrockten a faarweg Hygienespabeieren, déi just eemol benotzt kënne ginn. Dëst hëlleft, Ressourcen ze spueren. Benotzt Spender fir Toilettëpabeier a Pabeiershanddicher op ëffentlechen Toiletten oder am Betrib. Esou kann de Verbrauch vun Hygienespabeiere reduzéiert ginn. Mat Trockner, fir d’Hänn ze dréchnen, a wäschbaren Handdicher aus Stoff kënne Pabeiershanddicher komplett ofgeschaaft ginn – si brauchen awer Stroum an e reegelméissegen Entretien.

Krittäre

D’Shop Green-Hygienespabeiere ginn zu 100 % aus recycléiertem Pabeier hiergestallt a schounen esou d’natierlech Ressourcen. Hygienespabeieren aus Frëschfaseren (d. h. aus Zellstoff vu Beem), op där anerer Säit, kommen oft aus Urwaldrodungen oder risege Plantagen (Monokulture mat héijem Pestizidasaz).

Fiicht Wëschdicher ginn net an der Campagne behandelt. Dës ginn oft just eemol benotzt, landen no dem Gebrauch an der Toilette oder der Poubelle a ginn deemno dem Pabeierkreeslaf verluer.