SDK Formatioun
Als unerkannt Weiderbildungsinstitut ass d’Formatioun vu berufflechen Akteuren eng zentral Aufgab vun der SDK Akademie.
Mir bidden zilgruppenorientéiert Formatiounen un, déi u verschidden Beruffssecteuren ugepasst sinn. Hei fannt Dir Informatiounen zu eise Formatiounen an zu der Umeldung.
Eis Formatiounen no Fachberäich:
Nohaltegt Botzen
Am Beräich vum nohaltege Botzen läit de Schwéierpunkt op grondleeënde Botztechniken an ëmweltfrëndleche Botzmëttelen, fir eng nohalteg a qualitativ héichwäerteg Aarbecht z’ënnerstëtzen. Besonnesche Wäert gëtt op de richtegen Ëmgang mat Botzmëttelen an op d’Applikatioun vun de richtege Schafftechniken geluecht. Et handelt sech hei ëm d’Fondatioune vun engem nohaltegen a sécheren Agéieren am Botzsecteur.
![produits de nettoyage](https://sdk.lu/wp-content/uploads/2021/02/Putzmaterial-800x0-c-default.jpeg)
Nohaltegen Ëmgang mat Ressourcen
Déi rationell Notzung vun eisen natierleche Ressourcë steet am Mëttelpunkt vun der Aktioun SuperDrecksKëscht®. Dowéint bitt d‘SDK Akademie Formatiounen zu Theeme wéi nohaltegt Ressourcëmanagement, Offallvermeidung, Ëmweltschutz a Circular Economy un. Eis Formatioune sinn esouwuel konzeptuell ewéi och praktesch ausgeluecht a riichte sech un e breede Public.
![ampoule et petit arbre poussant sur la main . concept d'énergie solaire avec plantation](https://sdk.lu/wp-content/uploads/2021/02/Umwelt-Idee-800x0-c-default.jpeg)
Sécheren a richtegen Ëmgang mat geféierleche Stoffer
Am Kader vun der Aktioun SuperDrecksKëscht® gëtt säit iwwer 30 Joer Know-How am Ëmgang mat geféierlechen a problemateschen Offallprodukter entwéckelt a gesammelt. An dësem Sënn bitt d‘SDK Akademie eng Rei vu Formatiounen un, déi sech mat der sécherer Lagerung an Entsuergung vun dëse Stoffer no dem SDK-Konzept befaassen an aktuell Kenntnësser weiderginn.
![Flacons multicolores chimiques avec symboles de danger](https://sdk.lu/wp-content/uploads/2021/02/Chemie-800x0-c-default.jpeg)